Link to: La Cuadrilla
Arabako Mendialdeko Kuadrilla
Informazioa
Gardentasun ataria
Korporazioa
Aktak
Kontratatzailearen profila
“Araban euskaraz kantari” kantutegia
Arabako Foru Aldundiak 60tik gora euskal kanta ezagun biltzen dituen liburuxka sortu du.
Eskualdeko udaletxeetan eta Kuadrillako egoitzan eskuratu dezakezu zure alea.
Banaketa egingo da liburuxkak agortu arte.
“Sorginekin Jolasean” online tailerrak
Laudioko Udalaren Euskara Zerbitzuarekin elkarlanean, “Sorginekin Jolasean” programa aurkezten dizuegu txikienak entretenitzeko eta dibertitzeko. Eskulanen online tailerrak dira, 4 eta 10 urte bitarteko adingabeei zuzendutakoak, eta sormena eta trebetasun artistikoa lantzea dute helburu, etxean egin daitezke gurasoen laguntzarekin eta aholkularitzarekin.
Martxoaren amaiera arte, ostiralero, bideo berria igoko dute udal web-orrira. Bertan 10 egunetan izango duzue ikusgai.
Jardueren egutegia
- Otsailak 6, larunbata: AUTOMATAK
- Otsailak 13, larunbata: ESKU BIONIKOA
- Otsailak 20, larunbata: FUTBOLIN BIRZIKLATUA
- Otsailak 27, larunbata: ITSASONTZI PROPULTSATUA
- Martxoak 6, larunbata: ITZAL-ANTZERKIA
- Martxoak 13, larunbata: KOTXE EOLIKOA
- Martxoak 20, larunbata: NATURA IKERTU
- Martxoak 27, larunbata: ZOOTROPOA
FUNDACION VITAL FUNDAZIOA / 2021 Laguntza-deialdia
Gizarte arabarrarentzako laguntza-deialdi hau argitara eman dio Vital Fundazioak, arabar guztien bizi-kalitatea hobetzera bideratutako proiektuei laguntza eman eta proiektuok sustatzeko helburuz. Era berean, gardentasuna, parte hartzea berdintasun baldintzetan, eta Arabako gizarte ehuneko erakunde guztien arteko lehia askea sustatzeko konpromiso sendoa dugu.
“Astean behin, asmatu gertukoa” lehiaketa
ALEA aldizkariak lehiaketa berri bat jarri du abian, gertuko ekoizleak zein produktuak ezagutarazteko eta gure lurraldea hobeto ezagutzeko: Astean behin, asmatu gertukoa. Ostiralero hamar galdera, eta astero sari bat.
Gai anitzak landuko dira galderetan; euskara eta kulturaz gain, jaiak, gastronomia, historia, kirola, jolasak…
Edonork du parte hartzeko aukera.
IKASTARO TRINKOEN ESKAINTZA
IKASTARO TRINKOEN inguruko informazioa:
ABELTZAINTZAREN OINARRIAK
BARATZEZAINTZA I
Ikastaro hauek 220 bat ordutakoak dira eta bereziki diseinatzen dira bai gai tekniko naiz nekazaritza enpresa baten gestio enpresarialean ahalduntzeko.
Ikastaroan zehar bai Nekazaritzako naiz Elikaduraren Balio Kateko ekosistema osatzen duten entitate ezberdinetako pertsonak ezagutzeko aukera izango duzue, baita ikastaroan bertako beste partaideak ere. Horren bitartez zuen kontaktu sarea osatzeko eta baita zuen proiektua aberastuko duen sinergiak egiteko aukera izango duzue ere.
Enpresa Plan bat garatuko duzue eta enpresa baten praktikak egiteko aukera ere.
Seihilabete honetako eskaintza osoa hurrengo estekan topa dezakezue:
https://fpe.hazi.eus/datos/files/formacion/intensiva.pdf?source=rrss
Itzuli+ itzultzaile automatikoa
Eusko Jaurlaritzak Itzuli+ aurkeztu du, Itzuli itzultzaile automatikoarentzako tresna berri bat: webguneetako euskarazko eta gaztelaniazko testuak itzultzen ditu berehala, eta itzulitako testuak irakurtzen ditu. Horrez gain, aukera ematen du itzulitako testua eta jatorrizkoa irakurtzeko.
«Erraz eta intuizioz» erabiltzen da. Web orri batean paragrafo bat edo gehiago aukeratzen dituzte erabiltzaileek, eta, itzuli ikonoan klik egin ondoren, itzulpen automatikoa ematen du; beta aukera sakatuz gero, berriz, testua itzulita entzun dezakete. Gaur-gaurkoz, Firefoxen eta Chromen dago eskuragarri.