EuskarAbentura 2021

IKASTARO TRINKOEN ESKAINTZA

IKASTARO TRINKOEN inguruko informazioa:

ABELTZAINTZAREN OINARRIAK

Ikasleak abeltzain profesionalek ezinbestean menderatu behar dituzten gaietan trebatzea. Abeltzaintza-kultura orokorraz jabetzea, gai izan daitezen erraz eta kaudimenez lan egiteko.

BARATZEZAINTZA I

Ikastaro teoriko eta praktikoa da, baratzezaintzako eta frutagintzako ustiategi bat jartzeko oinarrizko eta premiazko kontzeptuei buruzkoa: lurra, landarea, ura, ongarriak, laboreen mekanizazioa, berotegiak, ureztaketa instalazioak, makinak, hidroponiako hastapenak, ekoizpen ekologikoa eta integratua, baratzeak, ustiategien gestioa, fitopatologia, frutagintza eta landare apaingarrien ekoizpena.

 

Ikastaro hauek 220 bat ordutakoak dira eta bereziki diseinatzen dira bai gai tekniko naiz nekazaritza enpresa baten gestio enpresarialean ahalduntzeko.

Ikastaroan zehar bai Nekazaritzako naiz Elikaduraren Balio Kateko ekosistema osatzen duten entitate ezberdinetako pertsonak ezagutzeko aukera izango duzue, baita ikastaroan bertako beste partaideak ere. Horren bitartez zuen kontaktu sarea osatzeko eta baita zuen proiektua aberastuko duen sinergiak egiteko aukera izango duzue ere.

Enpresa Plan bat garatuko duzue eta enpresa baten praktikak egiteko aukera ere.

 

Seihilabete honetako eskaintza osoa hurrengo estekan topa dezakezue:

 

https://fpe.hazi.eus/datos/files/formacion/intensiva.pdf?source=rrss

 

Itzuli+ itzultzaile automatikoa

Eusko Jaurlaritzak Itzuli+ aurkeztu du, Itzuli itzultzaile automatikoarentzako tresna berri bat: webguneetako euskarazko eta gaztelaniazko testuak itzultzen ditu berehala, eta itzulitako testuak irakurtzen ditu. Horrez gain, aukera ematen du itzulitako testua eta jatorrizkoa irakurtzeko.

«Erraz eta intuizioz» erabiltzen da. Web orri batean paragrafo bat edo gehiago aukeratzen dituzte erabiltzaileek, eta, itzuli ikonoan klik egin ondoren, itzulpen automatikoa ematen du; beta aukera sakatuz gero, berriz, testua itzulita entzun dezakete. Gaur-gaurkoz, Firefoxen eta Chromen dago eskuragarri.

Puntu Berde Mugikorraren Egutegia 2021. Calendario 2021 Punto Verde Móvil

 

Puntu berde mugikorra etxe partikularretan, saltoki eta enpresa txikietan sortzen diren hondakin bereziak biltzeko zerbitzua da. Hondakin horiek ezin dira bota hiri hondakinak biltzeko ohiko edukiontzietara.

Zerbitzu horretan bi ibilgailuk lan egiten dute. Edukiontziak dituzte eta gaur egun, Arabako hirigune guztietan (342 guztira) ematen da, Gasteizen eta dagoeneko garbigunea duten herri hauetan izan ezik: Amurrio, Laudio, Agurain, Dulantzi, Langraiz Oka, Oion eta Santikurutze Kanpezu.

El Punto Verde Móvil es un servicio para la recogida de aquellos residuos especiales que se generan en domicilios particulares, pequeños comercios y pequeñas empresas, y que no pueden ser depositados en los contenedores habituales de recogida de residuos urbanos.

Este servicio está compuesto por dos vehículos dotados de contenedores y actualmente se presta en todos los núcleos de población de Álava, 342 en total, excepto el municipio de Vitoria-Gasteiz y las localidades que disponen ya de garbigune, como son: Amurrio, Llodio/Laudio, Salvatierra/Agurain-Salvatierra, Alegría-Dulantzi, Nanclares de Oca/Langraiz Oka, Oyón-Oion y Santa Cruz de Campezo/Santikurutze Kanpezu.

PuntuBerdeMugikorraEgutegia2021. Calendario2021PuntoVerdeMóvil

 

ARABA KULTURA BONUA

 

Kultura Bonua bihartik, abenduak 17 eta 2021eko maiatxaren 31 arte, jarriko da martxan lurraldeko 35 saltegitan. Bonuen helburua Arabako kultura sustatzea eta zabaltzea da, gure lurraldean kultura produktuen eta zerbitzuen kontsumoa sustatuko duten bonu deskontuen bidez, eta, horrela, kultura sektorearen zati handi bat osatzen duten profesionalen, mikroenpresen, enpresa txiki eta ertainen ekonomia suspertzen laguntzea. Herritarren aldetik ondasunen eskaria sustatzeaz gain, zerbitzuena ere sustatuko da, eta hori da berrikuntza nagusia.

Lau bonu mota egongo dira:
 lehenengo bonua euskarazko kultura ondasunen kontsumorako izango da, 10 euroko
deskontua 20 euroko gutxieneko erosketarekin.
 bigarren bonua euskara ez den beste hizkuntza batean egindako kultura ondasunen
kontsumorako eta musika tresnen kontsumorako izango da, 10 euroko deskontua 30 euroko
gutxieneko erosketarekin. 30 denda atxiki dira
 hirugarren bonua euskarazko kultura zerbitzuen kontsumorako izango da, 20 euroko
deskontua 40 euroko gutxieneko erosketarekin.
 laugarren bonua edozein hizkuntzatan dauden kultura zerbitzuen kontsumorako izango da,
15 euroko deskontua 40 euroko gutxieneko erosketarekin.

Erosteko, nahikoa da atxikitako saltoki batera joatea, deskontua egiteko.

Bonuari buruzko zerrenda eta informazioa hemen kontsulta daiteke: ARABA KULTURA BONUA

Honako ondasun hauentzat izango da deskontua, berariaz, dendetan eta programari atxikitako
profesionalei erosteko unean: liburuak, komikiak eta nobela grafikoa; musika, filmak, dokumentalak
eta serieak, edozein grabazio formatutan; musika tresnak; eta kultura produktutzat har daitezkeen
gainerako ondasunak.

Honako zerbitzu hauentzat izango da deskontua, berariaz, dendetan eta programari atxikitako
profesionalei erosteko unean: arte ederretako eskolak eta ikastaroak, kantua eta musika interpretazioa,
dantza, marrazketa, argazkigintza, eskultura eta interpretazioa barne; bisita gidatuak profesionalek eta/edo enpresek egindako ondare multzoetara eta interpretazio zentroetara; zinema emanaldietarako,
zuzeneko antzerki eta musika ikuskizunetarako sarrerak; museo eta arte azoka pribatuetarako sarrerak;
eta kultura produktutzat har daitezkeen gainerako zerbitzuak.

 

Bono cultura

 

 

 

2020an euskaraz argitaratutako liburu eta diskoen bilduma

Durangoko Azoka amaituta, Berriak osatu du 2020an argitaratu diren liburu eta diskoen bilduma eta webgune berezia sortu du ikusgarritasuna emateko.

Bilduma generoaren arabera edo bilatzailearen bidez araka daiteke, eta liburu edo disko bakoitzaren informazio zehatza begiratu daiteke. Guztira, 500 liburu eta 100 disko inguru jaso dira.

 

Mendian pelikularik ez / MENDIKO ISTRIPUAK PREBENITZEKO KANPAINA

 

MENDIKO ISTRIPUAK PREBENITZEKO KANPAINA

“Mendian pelikularik ez”   DA EMF-REN APOSTU BERRIA

Azken hamarkadetan, mendiek, geroz eta bisitari gehiago izan dituzte, eta munduko leku askotan erakargarri turistiko ere bihurtu dira. Mendira, jolastera eta kirol-jarduera gisa joaten diren pertsonen kopuruak gora egin duenez, istripuek, natur ingurunean izan duten eragina izugarri handitu da.

 

2020 honetan, COVID-19 delakoaren ondorioz, paradigma aldatu egin da deskonfinamendu efektuarekin, eta horrek areagotu egin ditu erreskateak eta bilaketak gure inguruan eta bisitatzen ditugun mendietan.

Hori dela eta, Euskal Mendizale Federazioak lau bideo osatu ditu “Mendian pelikularik ez” leloarekin. Bertan, prestatuantolatu, ekipatu, zintzo jokatu eta federatu hitzek berebiziko garrantzia hartuko dute. Mendian jarduera ezberdinak egitera irtengo diren guztientzat oso baliagarri izango dira alferrikako erreskate gehiago saihesteko.

Horregatik, sentsibilizazio eta kontzientziazio kanpaina guztiek, kasu honetan formatu eta hizkuntza berri baten bidez aurkezten dugunaren antzera, mendian ohitura seguruak txertatzeko balioko dute.

Informazio gehiago:AMF- FAM

 

KANPEZUKO GURUTZE GORRIA / Boluntario-programa, haurrei eskola-laguntza emateko

GURUTZE GORRIAREN KANPEZUKO

BOLUNTARIO-PROGRAMA, HAURREI ESKOLA-LAGUNTZA EMATEKO



ELKARTEA: Kanpezuko Gurutze Gorriaren Asanblada

PROGRAMA: haurrentzako eskola-laguntza

LEKUA: Kanpezu / Arabako Mendialdea

DESKRIBAPENA: gizarte-desabantailan dauden haurrei eta familiei erantzuten jarraitzeko beharretik sortu da eskola-indargarri hau. Programaren helburu nagusia da gizarte-egoera zailean dauden haurrek eskola-laguntza egokia jasotzen dutela bermatzea eskola-curriculumean aurrera egiten jarraitu ahal izateko.

LANAK: hauek dira egin beharreko zereginak:

– Eskolako lanak egiteko laguntza

– Azterketak prestatzea

– Zalantzak argitzea

– Indartze-ariketen programak

– Ikasteko ohiturak erraztea

KONTUAN HARTUKO DA: euskera jakitea.Elkarte hau, 17/1998 Boluntariotzarako Legearen baldintzak betetzen ditu eta boluntariotzarako barneko estatutua du.

INFORMAZIOA: Kanpezuko Gurutze Gorriaren Batzarra/665 71 17 09

X