XXVII. Jardunaldi Etnografikak – Museo Eguna / Usatxi Kultur Elkartea. Pipaon
XXVII. ETNOGRAFIA JARDUNALDIAK PIPAONEN
Abuztuaren 28an eta 29an Etnografia Biziari buruzko Jardunaldiak egingo dira Pipaonen. Urtero bezala, Usatxi Kultur Elkarteak, Administrazio Batzarrarekin batera, XX. mendeko herriko bizimoduak eta ohiturak gogoratzea helburu duten hainbat ekitaldi antolatzen ditu.
Hilaren 29an, ostirala, sutegiak Arabako herrietan duen garrantziari buruzko hitzaldia eta plazako zuhaitza pizteko ekitaldi sinbolikoa antolatu dira.
Programazioaren zatirik handiena hilaren 29an, larunbatean, egingo da, “Museoaren Eguna” izenarekin ezaguna. Sega, trilla, ikaztegiko lana, artilearen hondartzea… bezalako jarduerak erreproduzitu eta azaltzen dira hurbiltzen denak garai hartako landa-bizitzaren ideia bat egin dezan. Aurten, berritasun gisa, egurraren lanketa gehitu da. Ekitaldiak larunbatean izango dira, hilak 29, goizeko 10:30etatik aurrera, kanpai-hotsak bisitariei harrera egiten dienean. Ikaztegia babestuko duen pergolaren inagurazioaz gain, 13:00ak aldera Lagrango Udalari eskerrak emateko ekitaldi bat aurreikusi da, erakunde horrek Pipaongo Museo Etnografikoari herri hartako sutegiko hauspoa lagatzeagatik. Ondoren, duela 45 urte Usatxi Dantza Taldea osatzen lagundu zutenei omenaldia egingo zaie. Talde honen emanaldiak, Goizalde Gaiteroak taldeak lagunduta, goizeko programari amaiera emango dio. Ondoren, herri bazkaria eta DJ.KAKTUZen emanaldiak programa osatuko du.
