Euskara zerbitzua

945 40 54 24
euskara@arabakomendialdea.eus

Euskaraldia Arabako Mendialdean

Hurrengo ekitaldiak

Azken berriak

09/10/2026

Oxigenoa Euskarari. Udazkeneko programa

07/10/2026

Euskara eta eleaniztasuna. Eskola eta familiak norabide berean

18/09/2026

Euskara ikastaroak 2026-2027

16/09/2026

KANTARI ikuskizuna Arabako Mendialdean

07/09/2026

Euskara mailak egiaztatzea HABE 2.deialdia

Aurrez aurreko ordutegia

Euskara zerbitzuaren ordutegia (01/09/2020/09/01 – 2020/12/31)
astelehena	asteartea	asteazkena	osteguna	ostirala
Kanpezuko Udala Tel: 945 40 54 43 08etatik 15etara	Arraia-Maeztuko Udala Tel: 945 41 00 33 08etatik 15etara	Lagrango Udala Tel: 945 37 80 59 08etatik 15etara	TXANDAKAKOAK Urizaharrako Udala Tel: 945 36 70 04 08etatik 15etara Haranako Udala Tel: 945 40 60 06 08etatik 15etara	Bernedoko Udala Tel: 945 37 80 41 08etatik 15etara

Aurkezpena / Funtzioak

AURKEZPENA

Gizarte elebidun baterako bidean euskararen sozializazioa du helburu Euskara zerbitzuak. Hau da, indarra bideratzen du gizartean gertatzen diren eguneroko eta aldizkako harremanetan, euskarak gero eta presentzia handiagoa izan dezan. Hala, Kuadrillak eta udalek, askotariko kolektibo eta erakundeekin, beren eragin-eremuan euskara erabiltzeko aukera ematen duen benetako berdintasunaren aldeko lana dute berezko eginkizuna.

Arabako Mendialdea osatzen duten udalerriei ematen die zerbitzua Euskara Zerbitzuak.

Euskara Zerbitzua 2009. urtean sortu zuten. Gaur egun, Zerbitzuan euskara teknikari bat ari da lanean.

FUNTZIOAK

Kuadrillako kide diren udal guztiei, haien mendeko egiturei eta udalerri horietan egoitza duten elkarteei euskararen erabilera sustatzen eta areagotzen laguntzea, eta hala eskatzen duten Arabako Lurralde Historikoko eragile ekonomikoen artean euskararen ezagutza eta erabilera sustatzea.
Itzulpen-zerbitzua eskaintzea hala eskatzen duten eragile ekonomikoei, zerbitzu hori eskuragarri dauden baliabideetara baldintzatuta eta dagokion Kuadrilako teknikariak egindako plangintzaren arabera.
ESEPen (Euskara Sustatzeko Ekintza Plana) urteko Kudeaketa Plana egitea, udaletako teknikarien zeharkakotasunaren eta lankidetzaren bidez.
ESEPen kudeaketa-planean jasotako jarduerak eta programak garatzen laguntzea.
Erabilera-plana garatzea jardun behar duen herri-administrazioetan.
Kuadrillan Euskara Batzordea dinamizatzea.
Euskararen Foru Zerbitzuak lurraldeko gainerako euskara-zerbitzuekin antolatzen dituen koordinazio-saioetan eta urteko prestakuntza-eskaintzan aktiboki parte hartuko du.

Programak

GU ERE BERTSOTAN

Ikastetxetan “Gu ere bertsotan”

Arabako Mendialdean garatzen den proiektua da. Bertan, 5. eta 6.mailako eta DBH mailako ikasleek bertsolaritza lantzen dute eskola orduetan.

Proiektuaren azalpen txostena

BERTSO-ESKOLA

Bertsotan ikasteko guneak dira bertso-eskolak: bat-batean edo idatzizkoan ikasteko tokiak.

Helburuak:

Aisialdian eskualdeko helduen euskararen erabilera, bizitasuna eta kalitatea handitzea.
Bertsolaritzaren ezagutzan sakondu eta hizkuntzaren alde ludikoa lantzea.
Herriarentzako erreferenteak sortuz joatea, bertsolaritzaren eremu ezberdinak landuz. (gai-jartzaile, epaile, bertsolari…)
Heldu eta gazteekin egindako lanari esker “Bertso Eskola” egitura indartzea ikasturte honetan zehar aurrera begira bere bidea egiten jarrai dezan.

Ekintzak: Asteroko klaseez gain, herrian antolatzen diren ekitaldietan parte aktibo hartzeko konpromisoa dute, emanaldiak prestatu eta bertso-eskolako lana herrira ateratzeko. Urtean zehar topaketak, txangoak eta aparteko ekintzak egiten dira, zaletasuna handitu eta beste bertso-eskola batzuekin harremanak bultzatzeko.

EUSKARA IKASI

Eskualdeko zenbait udalerrietan euskara ikasteko taldeak aritzen dira irailetik ekainera.

Parte hartzeko izena eman behar da matrikulazio epean, normalean irailean, udaletxeetan.

Helduen Euskalduntzearen Oinarrizko Curriculum hau hiru lerrun nagusitan dago banatuta: oinarrizko erabiltzailearena, aurreratuarena eta adituarena. Eta lerrunok bina mailatan: oinarrizko erabiltzailearena, A1 (Hasierakoa) eta A2 (Oinarrizkoa) biltzen dituena; aurreratuarena, B1 (Independentea) eta B2 (Aurreratua) bere baitan hartzen dituena; eta adituarena, C1 (Gaitasunezkoa) eta C2 (Adituarena) mailez osaturik dagoena.

EUSKARA ERABILI

KATALOGOA

ITZULPENAK

Euskarazko testuak zuzendu eta gaztelaniazko testuak itzultzen ditugu euskarara.

Baldintza orokorrak

Zuzenketari emango zaio lehentasuna; hau da, interesdunak (edo taldeko norbaitek), berez edo itzultzaile automatikoen bidez, euskaraz egiteko gaitasunik badu, euskaraz ekar dezan animatuko da, gure zerbitzua euskarazko testuen zuzentasuna ziurtatzera zuzentzeko.
Itzuli beharreko testuak ondorengo baldintzak bete beharko ditu:
1. Testuaren erabilera: publikoki zabalduko diren testuak izango dira (kartelak, errotuluak, publizitatea…), edo eguneroko jardunean erabili beharrekoak (inprimakiak, material-zerrendak, fakturak, menuak…). Ez dira, adibidez, itzuliko elkarte, edo talde pribatu baten aktak.
2. Testuaren gehieneko luzera: 2 orrialde.
Zuzendu edo itzuli beharreko testuak irakurtzeko moduan egongo dira eta Microsoft Word bidez irekitzeko moduan eman beharko dira.
Posta elektroniko bidez eskainiko da zerbitzua, eta dokumentua bidali nahiz jasotzeko bide hori erabiltzea gomendatzen da.
Epeak. Eskatutako itzulpen edo zuzenketa lanaren eta unean Euskara Zerbitzuak duen lan-kargaren arabera, jakinaraziko zaio eskatzaileari itzulpena noizko egin ahal izango den.
Idatzia sortu duenaren edo arduradunaren telefono zenbakia eskuratu beharko da beti, izan litezkeen zalantzak argitzeko.

Zuzenketa

Zuzendu beharrekoa aurrez eskatzaileak euskaratutakoa baldin bada, jatorrizko testua ere ekarri beharko du.

Itzulpena

Gaztelaniatik euskarara itzuliko da, inoiz ez euskaratik gaztelaniara.
Antzeko testuak. Aurrez itzulitako testuaren antzeko beste bat itzultzeko eskatuz gero, lehen itzulitako testua ere bidali beharko da.

Eskaera egiteko

Eskaera egiteko bidali emaila euskara@arabakomendialdea.eus
Ondoko datu hauek adierazi:
- Izen-abizenak
- Elkartearen edo entitatearen izena
- Udalerria
- Telefonoa