MARTXOAK 8 ko MUSUKO FUNDAK

 

MARTXOAK 8 BERTAN DUGU!

JASO DEZAKEZU MUSUKO FUNDA ZURE UDALEAN EDO KUADRILAN!

 

EGIZU BERDINTASUNAREN ALDE!!

Harana Udaletxeko Landa Bilketa Gunea irekita dago

HARANAKO LANDA BILKETA GUNEA

Zer motatako hondakinak biltzen ditu?

• Obra txikietako hondakinak: erreforma txikietan sortzen diren hondakinak, hala nola adreiluak, teilak, harriak…

• Hondakin handiak: objektu handiak, altzariak, koltxoiak, leihoak, ateak, somierrak, paletak…

• Inausketak: inausketen eta lorezaintza lanen hondakinak bakarrik: adarrak, belarra…

Zer EZIN dugu bota?

• Hondakin organikoak.

• Industria hondakinak, ez arriskutsuak, ez nekazaritzakoak (lastoa, patatak, erremolatxa…)

• Hondakin berrerabilgarriak, hala nola arropa, oinetakoak, jostailuak.

• Etxetresna elektrikoak.

Nork erabil dezake?

Etxean obra txiki bat egitean, altzariak edo tresnak aldatzean, edo inausketa edo lorezaintza jardueretan hondakin horiek sortzen dituen edonork. Ezin dute enpresek erabili beren jardueraren hondakinak botatzeko, hala nola obretako enpresek, ateak eta leihoak jartzen dituztenek, ibilgailuen tailerrek eta abar. Enpresek baimendutako kudeatzaileen bidez kudeatu behar dituzte beren hondakinak, ingurumeneko arautegiak ezartzen duen moduan.

Nola erabiltzen dira?

• Bakoitzean adierazitakoa bakarrik bota behar da. Nahastuta dauden hondakinak kudeatzea garestiagoa da, eta kalte egiten dio balorizazioari.

• Hondakinak edukiontziaren hondo-hondoan utzi behar dira, atea blokeatu gabe.

• Gogoratu beste edozein hondakinetarako Garbiguneak, Puntu Berde mugikorra eta Kuadrilla eta Udalen zerbitzuak ere badaudela.

• Bilketagunera sartzeko, giltzak eskatu behar dituzu, honela: o Astelehenetik ostirala 9:00 etatik 14:00etara, Haraneko Udalean, edo 945 40 60 06 telefonora deituta. o Administrazio Batzar hauen bidez: Kontrasta, Uribarri-Harana, Alda edo Done Bikendi Harana.

CartelInformativoAperturaPLR_ValleArana

Abian da etxe konpostajea! ¡Puesta en marcha del compostaje doméstico!

Kanpezu-Arabako Mendialdeko Kuadrillak, eskualdeko udal guztiekin lankidetzan, Kanpezu-Arabako Mendialdeko Kuadrillan etxeko konpostaje-proiektuaren bigarren fase bat jarri du abian, lehen kanpainaren emaitza positiboak eta herritarrek erakutsitako interesa ikusi ondoren.
Esperientzia honen helburua da edukiontzi grisean uzten diren hondakin organikoen edukia murriztea ( % 48 direla uste da) eta, aldi berean, hondakin horien kudeaketak dakarren kostua murriztea.
Bigarren fase honetan, Kanpezu-Arabako Mendialdeko Kuadrillak, informazio-, sentsibilizazio- eta partaideak erakartzeko kanpainen bidez, honako hau lortu nahi du:
• Herritarrei materia organikoaren kudeaketa bereiziaren ezaugarriak, helburuak eta onurak ezagutaraztea, eta, bereziki, konpostajea.
• Etxeko konpostajeari buruzko prestakuntza espezifikoa ematea, komunitateko konpostajearen funtsezko alderdiak barne hartzen dituena.
• Konpostajea – Konpostagailua, aireztagailua, biohondakinen ontzia eta informazio-materialak (gida) egiteko behar diren materialak banatzea–  eta laguntza zerbitzua.

Kanpezu Arabako Mendialdeako eskualdean bizi den edonork parte har dezake proiektuan. Eskualdeko etxeko konpostajean parte hartzeko plaza mugatuak daude; horregatik, parte hartzeko ezinbestekoa da Kanpezu-Arabako Mendialdeko Kuadrillako Ingurumen Zerbitzuan izena ematea, 945 40 54 24 telefonoaren edo ingurumena@arabakomendialdea.eus helbide elektronikoaren bidez, 2020ko azaroaren 12a baino lehen.

X