Archive for category: izki-lge

Landa-eremu GUZTIAK sustatzeko eta garatzeko laguntzak, erakunde publikoei zuzenduak.

OHAR GARRANTZITSUAK: DEIALDI HONETAN: PEÑACERRADA-URIZAHARRA, LAGRAN, BERNEDO, CAMPEZO-KANPEZU, HARANA-VALLE DE ARANA, ARRAIA-MAEZTU -KO ERAKUNDE PUBLIKO GUZTIAK (UDAL ETA ADMINISTRAZIO BATZARRAK) BAITA ARABAKO MENDIALDEKO KUADRILLA ERE SARTZEN DIRA.

Honen bitartez, jakinarazten dizuegu Erein dirulaguntzen deialdia zabalik dagoela 2023eko urriaren 28ra arte.

Dirulaguntzak landa-eremuko udalerri GUZTIEN sustapena eta garapena du helburu.

Deialdi honen jarduera helburuak honako hauek dira:

1. Uraren hornidurarekin eta saneamenduarekin, eta energia elektrikoaren eta gasaren hor­nidurarekin eta kanalizazioarekin lotutako oinarrizko azpiegiturak (bai berriak, bai ordezkatu beharrekoak, ordezkatu ezean zerbitzuaren prestazioa baldintzatuko balitz, zeina dagokion txos­tenaren bidez egiaztatu beharko baita).
2. Aurreko ebazpen-zatian deskribatutako entitateen autokontsumorako energia berriztagarrien erabilera eta energia-aurrezpena sustatzeko azpiegiturak.
3. Turismoarekin zerikusia duten zerbitzuetarako proiektuak eta azpiegiturak: interpretazio-zen­troak/museoak eta turismo-bulegoak, bidezidor eta bide homologatuak eta horietarako seinaleak, autokarabanentzako aparkalekuak, etab.
4. Biztanleak dituzten entitateak egokitzearekin zerikusia duten azpiegiturak, lehengora­tzea eta haien hirigintza egokitzea xede dutenak: irisgarritasuna, lorategiak jartzea, argiteria eta hiri-altzariak.
5. Oinarrizko zerbitzuentzako proiektuak: eguneko zentroak eta pertsona nagusientzako erresi­dentziak, haur-eskolak eta farmaziak/botikak.
6. Aisia, kultura eta kirolarekin zerikusia duten zerbitzuentzako proiektuak: kultur etxeak, liburu­tegiak, erabilera anitzeko zentroak, kirol-ekipamenduak edo aisialdikoak.
7. Ekipamendu komunitarioetako irisgarritasunarekin zerikusia duten proiektuak.
8. Industrialde txikien urbanizazio-proiektuak.

Ohar garrantzitsua; 2023an hasitako proiektuak sar daitezke, baldin eta amaituta ez badaude Eusko Jaurlaritzaren inbertsioa ez amaitu izana Aktaren baino lehen.

2023-2027 programazio-aldirako erronka nagusietako bat EAE-n nekazari gazteak nekazaritzara erakartzea eta laguntzea da.

Horretarako, talentu gaztea erakarri behar dugu nekazaritza-enpresetara, egungo enpresa-ehunari eutsi behar diogu, belaunaldien arteko erreleboa bultzatu behar dugu, eta profesional kualifikatuek kudeatutako enpresa berriak sortu behar ditugu, gure lehen sektorearen erronkei erantzuteko gai izango direnak; hori guztia ekonomia globalizatuko testuinguru batean, enplegua sortzen eta landa-eremuetan biztanleria finkatzen jarraitzeko.

Nekazaritza Politika Bateratuaren programazio-aldi hau abian jartzeak aldaketak dakartza bai gazteek enpresak sortzeko laguntzen neurrietan, bai GAZTENEK Programan.

Aldaketa horietako bat da lehen sektorean enpresa-ekimen bat abian jarri nahi duen gazteak 200 orduko PRESTAKUNTZA egiaztatu behar duela bere proiektuari lotutako gaietan. Laguntza eskatzeko unean, ordu horietako 100 egiaztatu beharko dira. Gainontzekoak, 36 hilabete izango dira egiaztatzeko.

Horretarako, zuretzat ikastaro bat proposatzen dizue Hazik:

NEKAZARITZA SEKTOREAN EKITEA

Elikaduraren balio-katearen testuingurua. Kudeaketa ekonomiko-finantzarioa. Enpresa-proiektua. Ekiteko trebetasun pertsonalak. Nekazaritza-enpresentzako laguntza publikoak. Marketina eta merkaturatzea. Pertsonen kudeaketa. Digitalizazioa.

Iraupena: 148 ordu.

Aurrez aurreko saioak (Arrasate), webinar saioak eta bisita teknikoak.

Hasiera: urriak 4.

Egunak: Astelehen, asteazken eta ostiraletan.

Ordutegia: 10: 00etatik 14: 00etara

Egitaraua: hemen klikatu

Nekazaritzako produktuak, elikagaiak eta arrantzako eta akuikulturako produktuak eraldatzeko, garatzeko eta merkaturatzeko laguntzak.

Eskaerak aurkezteko epea: 03/08/2023-03/09/2023

Informazion gehio eta eskaerak

Emakume Nekazarien Estatutuaren esparruan emakumeen eta gizonen arteko berdintasuna bultzatzeko laguntzak.

Jarduketak egiteko epea 2023ko abenduaren 31n amaituko da, eta 2023ko ekitaldiaren edozein unetan hasi ahalko da.

Eskabideak aurkezteko epea: 2023/29/06 eta horretara bideratutako aurrekontua agortzen denean amaituko da. Betiere, eta aurrekontua izanda ere, laguntza-eskabideak aurkezteko epea 2023ko irailaren 30ean amaituko da

Informazio gehiago eta eskaerak